Реал Мадрид официјално објави дека Антонио Рудигер го продолжил договорот со клубот до летото 2027 година. Тековниот договор на 33-годишниот централен дефанзивец треба да истече на крајот од овој месец, а првите разговори меѓу двете страни за нов договор започнаа во ноември минатата година. Разговорите беа прекинати по повредата на Рудигер, но беа обновени откако тој се врати на теренот и покажа дека е во добра физичка состојба. Следната сезона ќе биде петта за Германецот на „Сантијаго Бернабеу“. По натпреварот против Курасао, во кој настапи како замена, Рудигер рече дека за него е сон повторно да соработува со Жозе Мурињо. Португалецот, исто така, даде согласност за новиот договор. За четири години со Реал, тој одигра 182 натпревари во сите натпреварувања, постигнувајќи осум гола и запишувајќи четири асистенции.
sportmedia.mk
