Дерматолозите откриваат што навистина стои зад темните кругови околу очите и како да се ослободите од нив на едноставен начин.
Честопати темните кругови околу очите прават да се чувствувате несигурно. Нивното присуство може да укажува на умор, стрес, дехидратација или едноставно, на лоша генетика. За среќа, дерматолозите нудат низа едноставни и ефикасни совети за да ги ублажиме или сосема да ги елиминираме.
Една од најчестите причини за појавата на подочници е губењето на волуменот што доаѓа со годините. Како старееме, кожата под очите станува потенка и помалку еластична, што ги прави вдлабнатините и сенките под очите поизразени. Тоа визуелно создава темни кругови и го прави лицето поуморно. Генетските предиспозиции исто така играат голема улога, некои луѓе природно имаат потемна пигментација под очите или склоност за задржување на мастите и појава на отоци во тоа подрачје.
Недостатокот на сон е уште еден важен фактор. Кога не спиеме доволно, крвните садови под очите се шират, создавајќи потемни нијанси и оток. Стручните лица советуваат возрасните лица да спијат од 7 до 9 часа секоја ноќ. Покрај тоа, недоволното внесување вода може дополнително да ги нагласи подочниците.
Едноставните домашни трикови, како ладни облози од краставица или лажички од фрижидер, може да помогнат во намалување на отокот и освежување на подрачјето околу очите. Исто така, секојдневното користење креми со заштитен фактор и носењето очила за сонце може да спречи дополнителна пигментација предизвикана од УВ зраците.
Козметичките производи со активни состојки како витаминот Ц, ретинолот или којичната киселина може да помогнат во осветлување на кожата и подобрување на нејзината текстура. Овие состојки со тек на време ја намалуваат видливоста на подочниците и ја враќаат свежината на лицето.
Во случаите каде подочниците се резултат на вдлабнувања или изразено губење на волуменот дерматолозите препорачуваат дермални филери најчесто на база на хијалуронска киселина која го пополнува тоа подрачје и му дава на лицето одморен изглед. Ласерските третмани како IPL или фракциски ласер може дополнително да помогнат во отстранување на пигментацијата и подобрување на тонусот на кожата.
Сепак, треба да се има на ум дека не постои универзално решение. Секоја кожа е различна, а резултатите зависат од индивидуалните фактори. Затоа, важно е да се консултирате со дерматолог кој би ви препорачал третман прилагоден на вашиот тип на кожа.
Извор: srecna.republika.rs
