Младата жена починала во арената пред повеќе од 80 гледачи.
Сè уште не е јасно како се случила трагедијата. Според весникот „Билд“, акробатката паднала од висина од околу пет метри за време на попладневната претстава околу 17:45 часот. Пред повеќе од 80 посетители, вклучувајќи семејства со деца, таа се струполила во арената. Починала пред публиката.
Шокираните гледачи ја напуштиле претставата
Полицијата и брзата помош веднаш пристигнале во шаторот, додека преплашените гости истрчале надвор од циркусот.
Полицијата сега истражува како се случила несреќата.
Обезбедена е стручна помош за очевидците. Свештеници и советници веќе им пружиле поддршка на трауматизираните деца на лице место. Портпаролот на полицијата Стефан Хајдук изјави: „Секој на кого му е потребна помош може да нѐ контактира во секое време“.
