Менаџерот на Манчестер Сити, Пеп Гвардиола, му оддаде почит на Бернардо Силва, бидејќи капитенот се ближи кон крајот на својата кариера во англискиот клуб. Шпанецот тврди дека сè уште не е информиран за заминувањето на Силва.
Портуелниот играч од средниот ред изгледа дека ќе го напушти Сити кога ќе му истече договорот ова лето по девет години на стадионот „Етихад“, а помошникот менаџер Пеп Линдерс речиси ја потврди веста минатата недела.
„Секоја добра приказна има крај и се надевам дека ќе ужива во последните неколку месеци бидејќи му остануваат само шест недели. Потоа ќе се збогува“, објасни Линдерс.
Нема официјална потврда од клубот или Силва, а Гвардиола инсистира дека сè уште не е свесен за тоа.
„Многу сум лут на Бернардо. Му реков пред еден месец дека треба да бидам првиот што ќе дознае кога ќе донесе конечна одлука. Бернардо сè уште не ми кажал ништо“, рече Гвардиола.
Силва има 450 настапи за Сити откако дојде од Монако во 2017 година. Неговите почести вклучуваат шест титули во Премиер лигата, една Лига на шампиони и едно Светско клупско првенство, два ФА купа и пет Лига купа.
Силва е капитен на клубот од Манчестер од тековната сезона.
„Тој има совршени квалитети за улогата. Најдобрата одлука што ја донесов оваа сезона. Минатата сезона беше најтешка за нас, но Бернардо беше таму и постави пример на натпреварите и тренинзите. Може да игра на различни позиции и ја чита секоја ситуација. Знае што бара секоја акција на теренот. За него, тимот секогаш е на прво место“, додаде Гвардиола.
