- Почитуваниот премиер на Унгарија, Виктор Орбан, е навистина силен и моќен лидер со докажана евиденција за постигнување феноменални резултати. Тој неуморно се бори за својата голема земја и народ и ги сака исто како што јас ги сакам Соединетите Американски Држави. Виктор работи напорно за да ја заштити Унгарија, да ја развие економијата, да создаде работни места, да ја промовира трговијата, да ја запре нелегалната имиграција и да обезбеди закон и ред! Односите меѓу Унгарија и Соединетите Американски Држави достигнаа нови височини на соработка и спектакуларни достигнувања под мојата администрација, во голема мера благодарение на премиерот Орбан. Со нетрпение очекувам да продолжам тесно да соработувам со него додека двете наши земји продолжуваат да напредуваат по овој огромен пат на успех и соработка. Бев горд што го поддржав Виктор за реизбор во 2022 година, и ми е чест што го правам тоа повторно. Денот на изборите е 12 април 2026 година - напиша Трамп на својот профил на социјалната мрежа Вистина и ги повика Унгарците да гласаат за Орбан.
Трамп нагласи дека Орбан ја има неговата безрезервна поддршка.
- Тој е вистински пријател, борец и победник, тој ја има мојата целосна и апсолутна поддршка за неговиот реизбор за премиер на Унгарија. Виктор Орбан никогаш нема да ги разочара големите луѓе на Унгарија. Јас сум со него до крај - напиша Трамп.
Парламентарните избори во Унгарија ќе се одржат во недела, на 12 април, и се сметаат за најнеизвесни откако Виктор Орбан дојде на власт во 2010 година, бидејќи владејачката партија Фидес за прв пат се соочува со многу силна опозиција. Поранешниот член на Фидес, Петер Маѓар, стана главен противник на Орбан. Неговата партија Тиса води или е изедначена со Фидес во некои анкети.
