- Нашите организации повикуваат на акција на 18 септември, што вклучува штрајкови и протестни собири - изјави лидерката на најголемиот француски синдикат, CFDT, Матилде Леон, по состанокот на осум големи синдикати.
Таа додаде дека нацрт-буџетот на Франција, кој го опиша како „ужасен“, мора да се повлече, објавува Ројтерс.
Покрај тоа, некои други организации во Франција најавија серија протести и штрајкови на 10 септември преку социјалните медиуми.
Некои аналитичари ја споредуваат ситуацијата со 2018 година, кога протестите на француските граѓани против зголемувањето на цените на горивата и високите трошоци за живот прераснаа во пошироко движење „Жолти елеци“ против претседателот Емануел Макрон и неговите економски реформи.
Францускиот премиер Франсоа Бајру претходно закажа гласање за доверба на владата за 8 септември, кое би било комбинирано со поддршка за намалување на буџетот, а трите најголеми опозициски партии објавија дека ќе гласаат против него.
