„Ништо не го оправдува намерното таргетирање на цивили за време на вооружени конфликти, ниту пак извршувањето напади врз дипломатски објекти“, изјави Баро на прес-конференција по состанокот со колегите од Г7 во близина на Париз.
„Исто така, се потврдува апсолутната потреба трајно да се врати слободната и безбедна пловидба во Ормутскиот теснец“, додаде Баро.
Баро рече дека Марко Рубио, како и другите учесници во овие разговори, „сака да се осигура дека, откако ќе се постигнат воените цели на Соединетите Американски Држави, ќе се обезбеди поморска безбедност и слобода на пловидба во Ормутскиот теснец, како и во сите меѓународни води низ целиот свет“.
Државниот секретар на САД, Марко Рубио, разговараше со новинарите по состанокот со другите министри за надворешни работи на самитот на Г7 во Франција.
На прашањето дали САД размислуваат за испраќање војници на Блискиот Исток како дел од напорите за неутрализирање на Иран, Рубио рече дека нема да разговара за воени тактики.
Сепак, тој рече дека САД имаат јасни цели и се „многу уверени дека сме на работ да ги постигнеме многу брзо“.
На прашањето колку долго би можела да трае американската операција во Иран, Рубио рече: „Зборуваме за недели, а не за месеци“.
