Страшни вести доаѓаат од САД. Имено вчера вечер по локално време, се случи сериозен инцидент на плоштадот Сан Педро, еден од најпознатите центри во Сан Хозе, соопштија американските власти. Едно лице го загуби животот, додека друго се здоби со сериозни, животозагрозувачки повреди, во пукотница што се случи во близина на фан-зоната каде што навивачите ги гледаа натпреварите на видео-бим претходните денови, како и таа вечер. Една жртва почина на лице место, додека другата беше итно префрлена во болница, каде што лекарите се борат за неговиот живот. Случајот се третира како убиство, а истрагата е во тек.
„Од безбедносни причини, дел од околните улици се затворени, а граѓаните се повикуваат да ја избегнуваат областа додека трае полициската истрага“, јавуваат медиумите. Во времето на пукањето, не беше емитуван натпревар од Светското првенство, чии домаќини се САД, Мексико и Канада. Единствениот натпревар закажан за тој ден, помеѓу Јужна Африка и Канада, заврши неколку часа порано, но голем број навивачи и фудбалски фанови останаа собрани во фан-зоната.
One person was killed and another seriously injured in a shooting at a popular entertainment spot in San Jose, California, that has been hosting a FIFA World Cup ‘fan zone’ https://t.co/LdPcZRTH4G pic.twitter.com/MinklWvvIc
— Reuters (@Reuters) June 29, 2026
