Кристал Палас го победи Брајтон на гостински терен со резултат од 1:0 во 25-то коло од Премиер лигата.
Единствениот стрелец на натпреварот беше Исмаила Сар во 61-та минута. Тој беше стрелец и во последното коло против Нотингем Форест, па продолжи со добри игри.
По првите 45 минути немаше голови, иако Брајтон доминираше и имаше повеќе шанси. Најдобрата ја пропушти Де Кајпер во 31-та минута кога неговиот одличен удар беше блокиран од одбраната на Палас. Во првото полувреме, гостите ја имаа единствената и најдобра шанса во 44-та минута преку Исмаила Сар, кој беше малку непрецизен.
Во продолжението, сосема поинаква слика, Брајтон беше целосно безопасен, а Палас ја чекаше својата шанса. Во 61-та минута, Гесан, кој влезе во игра во продолжението, го проигра Сар, која ја испрати топката под пречката за 0:1.
Откако поведе, Палас ја контролираше играта на средината од теренот и не му дозволи на противникот многу шанси.
Екипата на Оливер Гласнер одржа минимално водство и освои важни бодови, а сега го престигна Брајтон на табелата. Кристал Палас е 13-ти со 32 бода, додека Брајтон е 14-ти со еден помалку.
sportmedia.mk
