Фудбалската асоцијација на Англија, покрена обвинение против играчот на Челзи, Педро Нето, откако тој, според ФА, упатил навредливи зборови кон судискиот тим по неговото исклучување на натпреварот против Арсенал.
За време на натпреварот, Педро Нето беше исклучен откако му беше покажан вториот жолт картон. ФА потврди дека отвора случај против Педро Нето, бидејќи се однесувал непристојно. Се вели дека Португалецот упатил и навредливи зборови кон судискиот тим на натпреварот во врска со исклучувањето, по што Нето има рок до понеделник, 9 март, да даде објаснување.
