-Верувам дека во наредните денови ќе дознаеме дали можеме да постигнеме договор за ослободување на нашите заложници. Ако тоа не се случи, борбите ќе продолжат без прекин, рече тој за време на посетата на војниците во Газа.
Според официјалните израелски податоци, 50 заложници сè уште се држат во Појасот Газа, а најмалку 20 од нив се потврдени како живи. Нивните роднини стравуваат дека продолжувањето на војната може да им ги загрози животите и да ги влоши условите во кои се држат.
Војната во Газа беше предизвикана од невиден напад врз јужен Израел на 7 октомври 2023 година, кога терористите од палестинската група Хамас и други исламисти убија околу 1.200 луѓе и киднапираа повеќе од 250.
Израел одговори со масовни воздушни напади и копнена офанзива. Според здравствените власти контролирани од Хамас, повеќе од 60.000 луѓе се убиени во Газа од почетокот на војната. Според извештаите на ОН, Газа се соочува со закана од глад.
