Капитенот на Манчестер Јунајтед, Бруно Фернандеш, би можел да биде во центарот на еден од најинтересните трансфери на крајот од летниот преоден рок. Според BBC Sport, португалскиот играч од средниот ред има клаузула во договорот што им дозволува на клубовите надвор од Англија да го потпишат за 66 милиони евра. Фернандеш е во последната година од договорот со Манчестер Јунајтед, а преговорите за нов договор сè уште не постигнале никаков напредок.
Од “Олд Трафорд“ сакаат да избегнат ситуација каде што капитенот би можел да замине бесплатно следното лето.
Португалецот имаше многу добра сезона, во која запиша 21 асистенција во Премиер лигата и додаде 9 гола. Вкупно, тој има 107 гола на 327 натпревари за Манчестер Јунајтед. Во претходните месеци, Бруно Фернандеш беше поврзуван и со интерес од Саудиска Арабија, вклучувајќи го и Ал Хилал. Според информациите, во тоа време биле дискутирани сериозни финансиски параметри, но желбата на играчот е да остане на највисокото ниво во Европа.
Затоа клаузулата за ослободување од 66 милиони евра би можела да се покаже како одлучувачка.
Меѓу клубовите што ја следат ситуацијата се Јувентус, Галатасарај и Милан.
Јувентус бара нов лидер во средниот ред, Галатасарај е подготвен да понуди сериозни услови и клучна улога во тимот, а Милан се чини дека е една од најинтересните опции поради ситуацијата околу тренерската позиција. Доколку го избере Милан, Бруно Фернандеш би можел да се најде во интересна ситуација. “Росонерите“ се предводени од Рубен Аморим, кој веќе соработувал со него во Манчестер Јунајтед.
