Иако е во Мадрид веќе неколку недели, Жозе Мурињо конечно официјално беше претставен како тренер на Реал Мадрид, по втор пат во својата кариера. Во таа прилика, тој особено ги пофали двете најголеми ѕвезди на тимот, Килијан Мбапе и Винисиус Жуниор. Многу се зборуваше за Мбапе во текот на минатата сезона, честопати во негативен контекст, но искусниот португалски стручњак нема дилема кога станува збор за квалитетот на францускиот напаѓач.
„Неговото ниво е стратосферско. Тој е неверојатен. Ме тера да се смеам на тренинзите со тоа колку е добар. По Светското првенство, требаше да дојде на 14 август, но пристигна на 12-ти за да игра против Шалке. Ми се допаѓа тоа. Тренира напорно, со посветеност и желба што сакам да ја видам кај сите“, рече Мурињо.
Португалецот, исто така, потврди дека имал важна улога во одлуката Винисиус Жуниор да остане во Реал Мадрид.
„Му реков да остане. Го сакав тука, никаде нема да му биде подобро отколку во Реал Мадрид“.
