Тренерот на Леванте, Луис Кастро, направи чуден потег со вклучувањето на 14-годишниот Диего Мојано на тренинг со првиот тим.Младиот дефанзивец би можел да стане најмладиот играч што некогаш играл во шпанската Ла Лига. Мојано е роден на 3 март 2012 година и е еден од најперспективните таленти во академијата на клубот од Валенсија. Тој игра главно како централен дефанзивец, но може да дејствува и како десен бек. Познат е по доброто водење на топката и играта во воздух.
Младиот играч веќе го освои шпанското првенство со регионалниот тим на Валенсија до 14 години, а неодамна беше повикан и во шпанската репрезентација до 15 години.
Доколку Мојано го има своето деби во Ла Лига во блиска иднина, тој ќе го сруши историскиот рекорд на Лука Ромеро, кој го одигра својот прв натпревар за Мајорка на возраст од 15 години и 219 дена.
Луис Кастро веќе ја покажа својата доверба во младите играчи, откако му го даде дебито на Марк Сантос претходно во сезоната на возраст од 15 години и 288 дена, што го прави најмладиот дебитант во историјата на Леванте и трет најмлад во историјата на шпанската прва лига.
sportmedia.mk
